^

Banat Balita

MCIAA nihimakak sa insidente sa tanim bala sa Mactan Airport

Rowena D. Capistrano - Banat

CEBU, Philippines — Hugot nga gipanghimakak sa Mactan Cebu International Airport Authority ang insidente sa “tanim bala” o “dagdag bala” diha sa Mactan Cebu International Airport.

Sa iyang Facebook post, si MCIAA general manager Jayjay Neri miingon nga walay nahitabong insidente sa laglag bala diha sa MCIA sukad sa iyang nahinumduman gikan sa tuig 2016.

Suma pa niya nga kun duna may bala nga makita sa bag o bagahe sa pasahero possible kini nga intensyonal o possible usab nga aksidente.

“It was not planted there. Just stating facts No matter what social media says,” suma pa ni Neri. Samtang si MCIAA assistant general manager Atty. Glenn Napuli mihimakak usab sa maong insidente nga nahitabo sa airport.

Nakigtagbo na usab si Napuli kang Leizel Mondejar, regional chief of the Office of the Transport Security-7 (OTS-7), Col. Rogelio Abran sa PNP-AVSEU-7 ug ubang airport officials kabahin sa giingong “tanim bala” incident.

Suma pa ni Mondejar nga sukad sa buwan sa Enero naka-intercept sila og 20 ka tawo nga magdala og bala ug ubang mga gidili nga items.

“No such thing as tanim bala. In fact, sigi na man ta og kadakop aning naay magdala og bala. Ika 20th times na ni since January of this year. Karon ra ni na issue because sa negative comments sa social media,” suma pa ni Mondejar.

Samtang si Lapu-Lapu City Mayor Junard “Ahong” Chan mipahibawo usab sa iyang Facebook page nga way tanim bala nga nahitabo sa usa ka babae nga pasahero nga mitumaw sa mga balita karon. Ato nang na-storya ang kadagkuan sa MCIAA ug ang PNP ug sa ilang imbestigasyon dili tanim bala ang nahitabo”.

Kahinumduman usa ka 47-anyos nga babaye ang gidakop sa MCIA niadtong March 27 human ang mga security personnel nakadiskubre og upat ka bala sa iyang hand-carry baggage atol sa routine screening.

Ang maong babaye gikatahu nga residente gikan sa Lapu-Lapu City ug usa ka Human Resources (HR) manager, nga paingon sa Tacloban City.

Dugang pa ni mayor Chan nga ang MCIA bag-o lang nakadawat og award isip Best Airport gumikan sa kalidad nga serbisyo sa mga pasahero. “Maong di ta angay mabalaka sa tanim bala kay walay tanim bala sa atong siyudad sukwahi sa gituhoan sa uban,” suma pa ni Chan. (BANAT NEWS)  

MCIAA

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with