Duha sa unom ka na-missing nga langyaw nakit-an na
CEBU, Philippines — Na-rescue na sa kapulisan sa Negros Oriental Police Provincial Office ug Disaster Risk Reduction Management Office sa Lungsod sa Valencia ang duha sa unom ka mga langyaw nga na-missing human nag trekking sa Sitio Lunas, Barangay Malabo, Lungsod sa Valencia Probinsya sa Negros Oriental.
Ang mga langyaw gilangkuban sa tulo ka German Nationals nga sila si Wolfgang Schlenker, 67 anyos; Torsten Martin Groschupp, 58 anyos; Aldwin Fink, 60 anyos; Canadian National nga si Terry, 50 anyos; British National nga si Alexander Radvanyi, 63 anyos ug Russian National nga si Anton Chernov, 38 anyos.
Ang mga nakit-an mao sila si Alexander Radvanyi ug Torsten Martin Groschupp. Nakit-an sila sa Barangay Malabo ra gihapon kun asa ilang entry points.
Nagkanayon si Police Lieutenant Stephen Polinar, tigpamaba sa Negros Oriental Police Provincial Office(NOPPO) niadtong Miyerkules, Marso 19, 2025 ang maong mga foreign nationals nakadesider nga mag day-hike gikan sa Barangay Malabo, Valencia padung sa Balinsasayao Twin Lake sa Sibulan, Negros Oriental.
Gumikan kay day-hike niadtong Marso 19 maabot na unta sila sa ilahang destinasyon.
Apan naabot ang Marso 20, Huwebes wala makabalik ang maong mga langyaw hinungdan ang mga uyab sa duha ni-report sa kapolisan nga wala pa kabalik ang ilang mga pares.
Diha-diha dayon ang DRRMO ug kapulisan sa Lungsod sa Valencia nagpahigayon dayon og search and rescue operation apan gumikan kay bati ang dagan sa panahon ug nag-uwan nahunong ang search and rescue pagka alas 6 sa gabii niadtong Marso 20.
"Negative ang result gahapon (March 20) pero they were able find the foot traces of the hikers and also the motorcycle vehicle," sigon ni Polinar.
Kagahapon sa buntag, Biyernes, Marso 21 gipadayon ang search and rescue ug pagka alas-10 sa buntag nakit-an ang duha sa unom nga na-missing.
"So far under pa man gud sila sa DRRMO, wala pay gi-release ang DRRMO nga information to the PNP regarding ato...What they disclose to us nakit-an na ug base sa initial statement nagkabulag-bulag daw sila so we just do hope nga kung asa sila nakit-an naa ra pud ang uban didto nga nga nawala nga mga personalities," ni Polinar pa.
Nasayran nga anad na og hiking ang maong mga langyaw naa sila'y kaubang makadaghan higayon na nga gabalik-balik sa maong trail. IBM BANAT NEWS
- Latest
