Hiyasmin (155)
KINABAHAN si Dax sa sinabi ni Hiyasmin na “bold” daw ang napanaginipan niya. Baka nabasa nito sa mukha niya na ang napanaginipan ay ang pagtatalik nila. Pero imposible naman siguro.
“Bakit naman ‘bold’ ang napanagipan ko? Sobra ka naman.’’
“Kasi ang pagkakangiti mo kanina ay para bang may magandang nangyari—kaya naisip ko ‘bold’ siguro ang napanaginipan.’’
“Hindi. Sabi ko nga sa’yo, ang napanaginipan ko ay kinukulutan ka ni Toti—kaya ako nangingiti.’’
“Sige na nga kung ‘yun ang napanagipan mo.’’
“Yun talaga, Hiyasmin ang napanaginipan ko.’’
“Ako rin may napanaginipan Sir Dax—ilang beses na—at hindi ko lang naikukuwento sa’yo.’’
“Gaya-gaya ka naman.’’
“Hindi. Totoo talaga ito —mga tatlong beses ko nang napapanaginipan.’’
“Ano naman ‘yun?’’
“Meron daw lalaki na sobra ang pagkagusto sa akin pero hindi niya maipagtapat ang niloloob sa akin. Nahihiya yata. Laging panakaw-nakaw ng tingin sa akin. Lagi akong sinusundan kahit saan ako magpunta. Hanggang isang gabi, nakapasok daw sa kuwarto ko. Tulog na tulog daw ako…”
(Itutuloy)
- Latest
