^

Police Metro

DOTr: 9 airport isasapribado pagsapit ng 2028

Mer Layson - Pang-masa

MANILA, Philippines — Inanunsyo ni Department of Transportation (DOTr) Secretary Vince Dizon na plano ng pamahalaan na isapribado ang operasyon ng siyam na rehiyonal na paliparan sa pamamagitan ng Public-Private Partnership (PPP) bago matapos ang termino ni Pangulong Ferdinand Marcos Jr. sa Hunyo 2028.

Inihayag ito ni Dizon sa Pilipinas Conference 2026 na inorganisa ng Stratbase Institute noong Nobyembre 20, 2026.

Ayon sa kanya, itinuturing ng Pa­ngulo ang mga proyekto sa ilalim ng PPP bilang isa sa mga pangunahing legasiya ng kanyang administrasyon upang mapabilis ang pagpapaganda ng serbisyo at pasilidad sa mga paliparan.

“The President said that PPPs (public-private partnerships) are the most important legacy that the President, this administration, is going to leave behind… Before the end of the President’s term, there will be a total of nine airports that have been PPP,” pahayag ni Dizon.

Kabilang umano sa mga naturang paliparan ay matatagpuan sa Davao, Siargao at Bicol, na inaasahang maia-award sa unang bahagi ng 2027.

Nabatid na ang Iloilo airport ay iaalok ng single package habang ang limang iba pa ay ipapa-bid sa dalawa o tatlong bundle.

Una na aniyang isinulong ng pamahalaan ang PPP model sa tatlong paliparan, kabilang ang Ninoy Aquino International Airport (NAIA), Bohol, at Bicol airports. 

AIRPORT

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with