Patay’ng lalaki nilutaw sa Talisay City
CEBU, Philippines — Usa ka patay’ng lawas sa usa ka lalaki ang napalgang naglutaw duol sa baybayon sa fish port sa Barangay San Roque, dakbayan sa Talisay, Cebu, kagahapon sa buntag adlaw nga Martes, Nobyembre 17.
Sumala sa inisyal nga report sa kapulisan, nakit-an ang lawas sa biktima nga naglutaw sa dagat alas 8:00 sa buntag human nakit-an sa mananagat nga si Joselito Cole.
Ang biktima lalaki nga nagsul-ob og denim pants ug puti nga T-shirt. Pagsusi sa mga sakop sa Talisay City Disaster Risk Reduction and Management Office (LDRRMO) nga wala na kini kinabuhi. Sa inisyal nga obserbasyon sa kapulisan, walay nakitang samad sa lawas sa biktima ug wala usab timailhan nga foul play.
Gituohang nalumos kini apan naghulat pa ang kapulisan sa resulta sa autopsy aron matino ang hinungdan sa pagkamatay niini.— IBM BANAT NEWS
- Latest















