COREenergy mosuplay og kuryente sa Casino Español
CEBU, Philippines — Nipirma og kasabotan ang COREnergy, retail electricity arm sa Vivant Energy, aron magsuplay og kuryente sa Casino Español de Cebu ubos sa 0.40 megawatts (MW) nga contracted capacity.
Ang kasabotan kabahin sa Retail Competition and Open Access (RCOA) framework nga nagtugot sa mga kwalipikadong konsumidor sa pagpili sa ilang kaugalingong retail electricity supplier sumala sa ilang panginahanglan sa enerhiya.
Matud ni Marko Sarmiento, bise presidente ug hepe sa operasyon sa COREnergy nga nagpaabot sila nga masuportahan ang panginahanglan sa kuryente sa Casino Español.
Sa laing bahin, si Luis Moro III, presidente sa Casino Español nagkanayon nga ang pagpili og retail electricity supplier kabahin sa ilang paningkamot nga mas maampingong madumala ang operasyon.
Ang kasabutan naglangkub sa suplay sa kuryente alang sa adlaw-adlaw nga operasyon sa maong pasilidad. (BANAT NEWS)
- Latest
















