^

Bansa

Shortlist sa next Chief Justice, Asso. Justice isinumite na kay Marcos

Ludy Bermudo - Pilipino Star Ngayon

MANILA, Philippines — Isinumite na ng Judicial and Bar Council (JBC) kay Pangulong Ferdinand Marcos Jr. ang shortlist ng mga nominado para sa mga posisyong mababakante sa Korte Suprema dahil sa pagreretiro nina Chief Justice Alexander Gesmundo at Associate­ Justice Amy Lazaro-Javier.

Kabilang sa mga nominado para sa posisyon ng Chief Justice sina Supreme Court Senior Associate Justice Marvic M.V.F. Leonen at Associate Justices Alfredo Benjamin S. Caguioa, Rodil V. Zalameda, Japar B. Dimaampao, at Jose Midas P. Marquez.

Hindi naman tinanggap nina Senior Associate Justices Ramon Paul L. Hernando at Henri Jean Paul B. Inting ang kanilang nominasyon kahit kabilang sila sa limang senior justices ng Korte Suprema.

Samantala, kabilang sa mga nominado para sa bakanteng posisyon bilang Associate Justice ng Korte Suprema sina Court of Appeals (CA) Associate Justice Ramon M. Bato Jr.; Solicitor General Darlene Marie B. Berberabe; Commission on Audit Chairperson Gamaliel A. Cordoba; CA Associate Justices Ramon A. Cruz, Maria Elisa Sempio Diy, at Myra V. Garcia-Fernandez; CA Presiding Justice Fernanda Lampas Peralta; Commission on Elections Commissioner Ernesto P. Maceda Jr.; CA Justices Ronaldo Roberto B. Martin at Walter S. Ong; at Court of Tax Appeals Associate Justice Maria Rowena M. San Pedro.

Pipili si Marcos ng susunod na punong mahistrado ng bansa mula sa listahang isinumite ng JBC.

Mababakante ang posisyon sa Nobyembre 6 kasabay ng mandatory retirement ni Chief Justice Gesmundo sa pag-abot nito sa edad na 70.

Batay sa Article VIII, Section 4(1) ng Kons­titusyon, dapat mapunan ang anumang bakanteng posisyon sa Korte Suprema sa loob ng 90 araw mula nang mabakante ito.

FERDINAND MARCOS JR.

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with