Pangulong Marcos pinabubuhay ‘Green Revolution’ vs Super El Niño

MANILA, Philippines — Hinikayat ni Pangulong Ferdinand Marcos Jr. ang mga Pilipino na magtanim ng sariling gulay upang makatulong sa pagharap sa inaasahang epekto ng Super El Niño sa suplay ng pagkain.

Ayon sa Pangulo, nakahanda ang pamahalaan para tiyakin ang sapat na suplay ng bigas, baboy, baka at manok, ngunit inaasahang higit na maaapektuhan ang produksyon ng gulay dahil sa kakapusan ng tubig.

Dahil dito, nanawagan si Marcos na buhayin muli ang “Green Revolution” at hikayatin ang bawat pamilya na magtanim ng gulay sa kanilang mga bakuran.

Samantala, sinabi rin ng Pangulo na nagpapatuloy ang mga hakbang ng gobyerno upang mapangalagaan ang suplay ng tubig at mabawasan ang epekto ng matin­ding tagtuyot sa bansa.