12-anyos pamangkin paulit-ulit na ginahasa ng obrero
MANILA, Philippines — Timbog ng Manila Police District (MPD) ang isang 38-anyos na laborer sa patung-patong na kaso ng panggagahasa at pangmomolestiya sa 12-anyos na pamangkin, sa Tondo, Maynila, Sabado ng hapon.
Sa ulat ni Police Station 1 P/Capt. Mark Xyrus Santos, ang inaresto si alyas “Rolly” ng Parola Compound, Tondo, dakong alas-1:35 ng hapon ng Oktubre 10, sa bisa ng mga warrant of arrest sa mga kasong “4 counts of rape through sexual assault, 2 counts of Qulified Rape of a Minor, 3 counts of Statutory Acts of Lasciviousness.”
Ang arrest warrants ay inisyu ni Presiding Judge Thea Bunye Medina ng Manila Regional Trial Court Branch 38 na may petsang Oktubre 8.
Walang inirekomendang piyansa para sa Qualified Rape, habang inirekomenda naman ang P540,000.00 piyansa para sa 3 counts ng Statutory Acts of Lasciviousness, at P480,000.00 para sa 4 counts ng Rape.
Sa impormasyon, isinasagawa ang panggagahasa sa biktimang menor-de-edad sa tuwing wala sa bahay ang mga magulang ng biktima.
Pinagbabantaan din ng suspek ang pamangkin na papatayin ang buong pamilya kung magsusumbong.
- Latest
