21 wanted persons, timbog sa one-day warrant drive ng QCPD
MANILA, Philippines — Dalawampu’t isang wanted person, kabilang ang limang most wanted persons (MWPs), ang naaresto ng Quezon City Police District (QCPD) sa isinagawang one-day warrant drive sa iba’t ibang lugar noong Setyembre 19.
Sa report na tinanggap ni. QCPD District Director PBGen. Christopher Olazo, kabilang sa mga naaresto si alyas “Bon”, 44, MWP ng Project 6 Police Station (PS 15), na dinakip dakong alas-12:01 ng madaling araw sa Brgy. Sto. Cristo, Quezon City. May warrant of arrest siya dahil sa paglabag sa Republic Act 9165 o Comprehensive Dangerous Drugs Act of 2002 na inilabas ng Manila Regional Trial Court Branch 36. Naaresto rin si alyas “Gel”, 30, No. 3 MWP ng Galas PS 11, sa kanyang bahay sa Sampaloc, Manila, dakong alas-2:45 ng hapon. May kinakaharap siyang dalawang bilang ng acts of lasciviousness. Samantala, naaresto si alyas “Mar”, 28, No. 7 MWP ng Novaliches PS 4, sa Quezon City Jail Male Dormitory sa Payatas kaugnay ng kasong carnapping.
Dakong alas-5:50 ng hapon nang maaresto naman si alyas “Ron”, 40, No. 6 MWP ng Fairview PS 5, sa harap ng Camella Subdivision sa Sauyo Road, Novaliches. May warrant of arrest siya dahil sa paglabag sa RA 9165. Dati na rin itong naaresto sa mga kasong theft, paglabag sa RA 10591, RA 9165 at Presidential Decree 1602.
Sinabi ni Olazo na patuloy nilang paiigtingin ang warrant operations upang mahanap at maaresto ang mga wanted person at maiharap ang mga ito sa tamang proseso ng batas.
- Latest
