Suway nga pag-ikyas sa tulobagon sa balaod

Gikwestyon sa kampo ni Alias Billy ang 22-anyos nga suspek sa hit and run sa usa call center agent kinsa nakalas sa hitabo ang pag-aresto niini tungod kay boluntaryo man siyang nitahan sa kapolisan pipila ka adlaw human sa iyang pagtagotago sukad niadtong Biernes hangtud mipatim-aw siya niadtong Lunes Septembre 24.

Apan gipasabot ni P/Lt. Col. Jomar Medil, ang hepe sa Traffic Enforcement Unit kon TEU, kinsa usab usab ka abogado nga by virtue gihapon sa hot pursuit operation ang pag aresto nila kang alias Billy.

Wala matud pa maputol ang ilang hot pursuit ug bisan mitahan ang suspek ila gihapon ipatuman ang pag aresto niini.

Procedural ang gihimo sa kapolisan, matud ni Atty. Medil nga didto na dad-on sa abogado sa suspek abg pagkwestyon sa teknikalidad sa kaso ug andam nilang atubangon, gawas pa nasayod sila sa ilang gimbuhaton ug masaligon sila nga lig-on ang kasong gipasaka nila kang alias Billy ug alias Ralph nga unang nadakpan. Si Ralph ang giingong nagpaeskapo kang Billy.

Kadong reckless imprudence resulting in homicide, damage to property ug abandonment ang gipasaka ni Billy ug damage to property ug obstruction of Justice kang Ralph ug uban pa nga tulobagpn ilabi na nga positibo siya sa alcohol content sa breath analyzer.

Kining tanan teknikal ug legal ra kaayo, atong labtikan ang kadanghag niining duha ka respondents nga misangpot sa trahedya sa 42 anyos nga call center agent, tungod sa kakusog sa dagan nila wala na nila mabantayan ang kinabuhi nga nausik. 

Ang makapaulbo sa kaspa kay gibiyaan nila ang biktima, bisan naman lang unta to og ilang gihunongan ug gidala sa tambalanan.

Mga rich kids man kuno diay ning duha nga sakit pud kuno sa ulo mismo sa ilang mga ginikanan ug miresulta na ang ilang pagka tampasan. Maayo unta dili lang kutob karon ang kisaw sa kaso.

Basin inig abot sa panahon malubong na usab kini sa kalimot sama sa nahitabo sa ubang kaso.

Mahatag unta sa biktima nga alang kaniya ug sa iyang pamilya.