Banang namuspos og helmet, nadakpan

CEBU, Philippines — Bana nga tulo ka bulan ng nagtago-tago human gireklamo og pagpangdagmal sa iyahang asawa nadakpan sa kapolisan sa Barangay South Poblacion sa Dakbayan sa naga niadtong adlaw nga Huwebes, Agosto 20. Ang suspek nga 34 anyos ug usa ka call center agent gidakop pinasikad sa warrant of arrest gikan sa korte tungod sa kasong paglapas Section 5(i) sa Republic Act No. 9262 o Anti-Violence Against Women and Their Children Act, nga adunay girekomendang piyansa nga P72,000.

Ang Tracker Team sa City of Naga Police Station maoy nakadakop sa maong bana. Base sa rekord sa kaso, ang giingong insidente nahitabo niadtong gabii sa Mayo 13, 2026 sa maong barangay.

Sumala pa sa reklamo sa asawa, giingong gihapak siya sa iyang bana gamit ang helmet diha sa iyang paa ug agtang. Wala gibutyag sa report kung unsay hinungdan sa panaglalis sa magtiayon o unsay eksaktong nahitabo sa wala pa ang insidente.

Human sa pagpanagmal, gikatahong nisibat ang suspek ug wala na pakita sa biktima. Apan paglabay sa kapin tulo ka bulan nasikop siya sa kapulisan pinaagi sa warrant of arrest.

Ang suspek naa na karon detention facility sa City of Naga Police Station ug gikatakdang dad-on sa korte nga nag-isyu sa warrant.— IBM BANAT NEWS