Kanus-a mamahimong mausab ang entry sa gender sa Birth Certificate?

Dear Atty. Divine,

Aduna koy friend nga transgender. Ug karon nagplano siya nga ipausab ang gender sa iyang birth certificate from male to female after sa iyang surgery.

Ang akong pangutana kun mamahimo ba niyang ipausab ang gender sa iyang birth certificate? Daghang salamat.

Lorraine

* * *

Dear Lorraine,

Bisan pa sa surgery nga nag-usab sa gender sa imong friend, dili kini mamahimong kabasihan sa pag-usab sa original niyang gender nga naa sa iyang birth certificate. Kini tungod kay way balaod sa Pilipinas nga nagtugot sa sex-reassignment. Buot ipasabot nga kun unsay iyang gender atul sa iyang paghimugso mao gyud na dapat ang gender nga mo appear sa iyang birth certificate.

Ang pag-usab sa gender sa birth certificate tugutan lang kun adunay clerical error nga nahitabo atol sa pagparehistro sa bata. Kini tungod kay aduna gyuy uban nga nasayop pagbutang ang gender sa ilang birth certificate, like batang babaye, apan ang nabutang sa birth certificate male, og tungod kay clerical error kini, gitugutan sa balaod nga mausab ang maong entry. Apan kun tungod sa sex-reassignment ang pag-usab sa gender, way balaod nga nagtugot niini. Thank you and God Bless! -- Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.