Wanted sa FBI, paralisado karon-pamilya
CEBU, Philippines — Gibutyag sa pamilya ni Rey Grabato II, ang Pinoy nga wanted sa US Federal Bureau of Investigation (FBI) sa US, tungod sa pasangil nga pagpangilad, nibutyag nga sa pagkakaron nagpaalim pa kini tungod sa severe stroke nga maoy hinungdan sa iyang partial paralysis.
Sa report sa Philstar,com, gikatahong nipagawas ning maong pamahayag ang manghod ni Grabato nga si Christopher Grabato, Matud pa niya nga si Rey, sangay sa mayor sa Mina, Iloilo nga si Mayor Rey Grabato, kasamtangan karong gipaubos sa pagpatambal tungod sa iyang stroke. Matud pa nga naglisud kini og lihok, estorya, ug limitado ang iyang cognitive functions.
"We also wish to inform the public that Mr. Grabato is presently recovering from a severe stroke. As a consequence of his medical condition, he is currently partially paralyzed and continues to experience significant limitations in his mobility, communication, and cognitive functioning," matud pa sa pamahayag ni Christopher.
Gibutyag sab niya nga si Grabato ug bisan ang abogado niini walay nadawat nga official documents gikan sa gobiyerno sa Pilipinas o sa otoridad sa US bahin sa maong kaso.
"In light of the fact that no official notice or legal process has been served upon Mr. Grabato or his representatives, we consider it inappropriate at this time to speculate on, debate, or publicly litigate the substance of the allegations appearing in media and social media reports," dugang pa sa igsuon niini.
Gipasalig hinuon niyang kung duna man, ilaha kining atubangon sa legal nga pamaagi.
Kahinumdoman nga ang FBI mianunsyo atong Huwebes, August 13 (Philippine time), nga si Rey Grabato II gibutang nila sa ilang Most Wanted Fraudsters list tungod matud pa sa investment scam didto. — /IBM (BANAT NEWS)
- Latest
