Gustong ipa-cancel ang annotation sa titulo sa yuta

Dear Atty. Divine,

Ang akong parents adunay property nga ilang na mortgage kaniadto sa bangko. Matud pa sa akong papa nga ila nang nabayran ang maong utang.  Apan sa dihang nagkuha nami og certified true copy sa titulo sa yuta sa akong parents ngadto sa Register of Deeds, aduna pa kini annotation sa maong real estate mortgage. Unsay angayan namong buhaton aron ma cancel ang maong annotation sa titulo sa yuta sa akong mga ginikanan? Daghang salamat.

Loren

* * *

Dear Loren,

Mamahimong inyong ipa-cancel ang annotation sa mortgage sa titulo sa property sa imong parents pinaagi sa pag-submit  ngadto sa Register of Deeds og proof nga hingpit nang nabayran ang maong utang sa bangko pinaagi sa pagpresentar kanila og notarized nga Release and Cancellation of Real Estate Mortgage nga pirmado sa bangko. Dapat usab nga kuhaon sa imong parents sa bangko ang original copy sa Owner’s Duplicate Certificate of  Title ug apil kini ninyo nga i-submit ngadto sa Register of Deeds aron ma cancel ang annotation sa maong titulo. Kinahanglan nga magdala sab mo og kopya sa original nga Real Estate Mortgage inig adto ninyo sa Register of Deeds aron dili na mo magbalik-balik inig process sa maong cancellation. Thank you and God bless!

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.