PANOORIN: Back-to-back gold sa Germany para ka EJ Obiena

MANILA, Philippines — Nasungkit ni Filipino Olympian  EJ Obiena ang kanyang ikalawang sunod na gintong medalya matapos magwagi sa Stabhochsprung Meeting nitong Huwebes (oras sa Pilipinas).

Nakuha ni Obiena ang panalo sa countback matapos malampasan ang 5.83 metro sa kanyang unang attempt.

Naabot din ng Qatar's Seifeldin Abdelsalam ang parehong taas ngunit kinailangan ng tatlong attempts, dahilan upang maagaw ng Pinoy ang ginto.

Ito ang ikapitong gold medal ni Obiena ngayong season at ikalawang sunod niyang titulo sa Germany.