Sara dumalaw kina Marcoleta, Jinggoy

MANILA, Philippines — Dinalaw ni Vice President Sara Duterte ang mga nakapiit na sina Senador Rodante Marcoleta, Senador Jinggoy Estrada, at dating kongresista Michael Defensor sa Bureau of Jail Management and Penology (BJMP) Quezon City Jail Male Dormitory nitong Martes, Agosto 4.

Kinumpirma ni BJMP Spokesperson Jail Supt. Jayrex Bustinera nitong Miyerkules na dumating ang Bise Presidente alas-12:00 ng tanghali at umalis bandang alas-3:20 ng hapon.

Nakapiit sina Marcoleta at Defensor kaugnay sa kasong plunder hinggil sa umano’y P75 milyong campaign donation na natanggap ng senador mula kay Defensor at dalawang negosyante noong 2025.

Si Estrada naman ay nahaharap sa kasong plunder at graft na may kaugnayan sa mga flood control projects.