ICC Prosecutor Khan sibak sa sexual abuse
MANILA, Philippines — Sinibak sa puwesto ng International Criminal Court (ICC) si Prosecutor Karim Khan matapos ang alegasyon ng sexual abuse laban sa isang babaeng miyembro ng kanyang staff.
Si Khan, 56-anyos, ay sinuspinde noong nakaraang buwan ng pangunahing pamunuan ng ICC bago isinagawa ang secret ballot. Sa naturang botohan, 82 sa 125 miyembrong estado ang bumoto pabor sa pagpapatalsik kay Khan dahil sa serious misconduct at serious breach of duty.
Nabatid na 13 estado lamang ang bumoto para manatili si Khan sa puwesto sa isinagawang closed-door session sa United Nations headquarters sa New York.
Ayon sa kanyang abogado, kukuwestyunin ni Khan sa lahat ng legal na mekanismo ang desisyon ng ICC.
Matatandaan na noong Mayo 2025 ay pansamantalang bumaba si Khan sa puwesto upang harapin ang alegasyon ng sexual abuse na inihain ng isa sa kanyang babaeng kasamahan, matapos ang isinagawang imbestigasyon noong parehong taon.
- Latest
