‘Kiyapo’ nag-landfall sa Cagayan
MANILA, Philippines — Nag-landfall na ang bagyong Kiyapo sa may Camiguin Island, Calayan, Cagayan.
Ayon sa PAGASA, alas-5 ng hapon kahapon ay namataan si Kiyapo sa baybayin ng Calayan Island at kumikilos pakanluran-hilagang kanluran sa bilis na 30 kilometro kada oras. Taglay nito ang 85 kph na lakas ng hangin malapit sa gitna at pagbugso na 105 kph.
Nakataas ang Signal No. 2 sa Batanes, Hilagang bahagi ng Cagayan kasama ang Babuyan Islands, Hilagang bahagi ng Apayao at Hilagang bahagi ng Ilocos Norte.
Patuloy na kikilos si Kiyapo sa kanluran-hilagang kanluran hanggang Sabado, Hulyo 25, sa Luzon Strait at West Philippine Sea bago muling pumihit hilagang-kanluran papuntang hilaga sa nalalabing forecast period.
Inaasahang lalakas pa si Kiyapo habang bumabagtas sa Extreme Northern Luzon at posibleng maging severe tropical storm pagkalampas ng Babuyan Islands.
Si Kiyapo ay lalabas ng Philippine Area of Responsibility (PAR) sa Biyernes ng gabi o Sabado ng umaga.
- Latest
