Mayorya ng Pinoy, walang tiwala sa China — OCTA
MANILA, Philippines — Nasa 64% ng mga Pilipino ang walang tiwala sa China batay sa 2nd quarter Tugon ng Masa survey ng OCTA Research, mas mataas kaysa 55% noong Marso 2026. Sa naturang bilang, 37% ang nagsabing “medyo hindi” dapat magtiwala, 27% ang “lubos na hindi,” 14% ang may tiwala, habang 21% ang undecided.
Isinagawa ang survey kasabay ng ika-10 anibersaryo ng 2016 Permanent Court of Arbitration ruling sa West Philippine Sea. Ayon sa OCTA, bumaba nang bahagya ang trust sa China sa 14% at patuloy na lumiit ang bilang ng undecided, indikasyong mas dumarami ang nagkakaroon ng matibay na pananaw ng kawalan ng tiwala.
Pinakamataas ang distrust rating sa Balance Luzon (67%), sinundan ng Visayas (63%), Mindanao (62%), at NCR (59%). Sa socioeconomic classes, nakapagtala ng 66% ang Class ABC, 63% ang Class D, at 67% ang Class E. Pinakamataas ang undecided sa Class D (23%) at pinakamababa sa Class E (17%).
- Latest
