Kinarnap na pampasaherong bus, narekober

MANILA, Philippines —  Nabawi na ng operator nitong Sabado ang isang public utility bus na iniulat na tinangay ng driver at konduktor sa gitna ng pamamasada, sa Quezon City may halos dalawang buwan ang nakalipas.

Sa ulat, tinutugis pa ang mga suspek na sina alyas “David,” residente ng Cainta, Rizal at konduktor na si “Argel,” ng San Jose, Rodriguez, Rizal, sa pagtangay sa bus noong Mayo 19, 2026, sa Barangay North Fairview, Quezon City.

Ini-report lamang ang insidente noong alas- 9:00 ng umaga ng Hulyo 9, District Anti-Carnapping Unit (DACU) ang nawawalang 2011 Daewoo BH115E bus na may plakang UVL-197.

May saksi na nagsabi sa pulisya na may isang hindi kilalang lalaki ang nagparada ng bus noong Hunyo 2026 at hindi na binalikan.