BOC Port of Cebu dunay bag-ong district collector
CEBU, Philippines — Ang Bureau of Customs (BOC)–Port of Cebu ni turnover sa bag-ong liderato human opisyal nga mitugyan sa iyang posisyon si District Collector Alexandra Yap-Lumontad, nga mibiya nga adunay lig-on nga performance sa revenue collection human malabwan niini ang target sa koleksiyon alang sa unang unom ka bulan sa 2026 og P448.73 milyon.
Gikan Enero hangtod Hunyo ning tuiga, ang Port of Cebu nakatigom og P25 bilyon nga kita, nga milabaw sa gitakdang target og kapin sa P400 milyon.
Sa bulan sa Hunyo lamang, ang pantalan nakakolekta og P4.75 bilyon, nga milapas sa binuwan nga target og P584.99 milyon.
Pormal nga gitugyan ni Lumontad ang liderato sa Port of Cebu ngadto kang Atty. Zsae Carrie C. De Guzman, nga mipuli isip Acting District Collector, atol sa turnover ceremony nga gitambongan sa mga opisyal ug kawani sa Customs.
Sa wala pa ang iyang bag-ong katungdanan, si De Guzman nagsilbi isip Acting Deputy Collector for Operations sa Port of Clark.
Si Lumontad, nga gi promote na isip Service Director sa Financial Management Office sa BOC, mipadayag sa iyang pagsalig nga magpadayon ang kalampusan sa Port of Cebu ubos sa bag-ong liderato.
Lakip sa labing dagkong kalampusan sa enforcement ubos sa liderato ni Lumontad mao ang pagkasakmit sa 11 ka 40-foot containers ug 25 ka 20-foot containers nga adunay mga smuggled nga sigarilyo nga nagkantidad og gibana-banang P1.84 bilyon. (BANAT NEWS)
- Latest
