Ryan misaulog sa iyang birthday pinaagi sa pagtabang

CEBU, Philippines — Imbes nga mopahigayon og engrandeng selebrasyon, gipili ni Ryan Bang ang pagtabang sa mga nanginahanglan isip pagsaulog   iyang 35th birthday.

Sa iyang latest vlog , gibutyag ni Ryan nga gigamit niya ang iyang natigom nga kuwarta aron makatabang sa mga tawo nga duol sa iyang kasingkasing, lakip ang usa ka eskwelahan didto  Mindanao nga naapektuhan sa kusog nga linog.

Gikumot  ang iyang kasingkasing sa dihang nakita niya nga puwerting gubaa sa Mahayahay Elementary School sa Davao. Matod niya, sukad nahimo siyang regular host sa  It’s Showtime niadtong  2010, nagtigom siya og P1,000 matag bulan. Ang iyang natigom niabot  og P190,000 ug gidugangan niya og  P10,000 hinungdan  nga nakaabot kini og P200,000 ug mao kini ang iyang gitabang sa mga nanginahanglan.

Juday modala isip Nora Si Judy Ann Santos ang modala sa papel sa nipanaw nga aktres nga si Nora Aunor alang sa biopic  nga “Bernal” nga gisulat ni Ricky Lee.

Sa  taho sa SINEGANG.ph, si Jericho Rosales ang mo-portray  sa kinabuhi ni  Ishmael Bernal, samtang kabahin usab sa pelikula sila Iza Calzado, Atom Araullo, Rita Gomez, ug John Lapus.

Naghinam-hinam na si Direk  Ricky  sa maong proyekto nga nagtumong sa pagpasidungog sa kinabuhi ug dakong kontribusyon ni  Bernal sa industriya sa pelikulang Pilipino.

SexBomb dunay upcoming movie

Human sa nagmalampuson nila nga mga reunion concert, andam na usab ang SexBomb Dancers nga sudlan ang laing hugna  nga proyekto .

Adunay umaabot nga movie project ang maong grupo .

Kini maoy gibutyag ni Rochelle Pangilinan atol sa iyang guesting  sa Fast Talk with Boy Abunda.

Gawas sa pelikula, nagplano usab ang SexBomb Dancers nga mogama og dugang mga awit .