NCRPO balik- full alert status sa impeachment ni VP Sara
MANILA, Philippines — Balik sa full alert status ang National Capital Region (NCR) sa Lunes kasabay ng pagsisimula ng impeachment trial ni Vice President Sara Duterte sa Lunes.
Ito naman ang kinumpirma ni NCRPO chief PMGen. Anthony Aberin na mula sa heightened alert status, muling itataas ang antas ng paghahanda matapos ang tatlong araw na kilos-protesta ng Iglesia ni Cristo (INC).
Ayon sa pulisya, naging general peaceful ang mga isinagawang pagtitipon ng INC, sa kabila ng tensyon na namagitan sa unang araw ng rally sa EDSA People Power Monument. Wala ring naitalang malubhang insidente o aksidente nang ilipat ang kilos-protesta sa Liwasang Bonifacio sa Maynila noong nakaraang araw.
Samantala, nihayag ng Philippine National Police (PNP) na “all systems go” na sila sa pagpapatupad ng seguridad para sa impeachment trial ni VP Sara kung saan aabot sa 6,000 pulis ang ide-deploy sa paligid ng Senado.
Sinabi ni PNP PIO chief PCol. Allen Rae Co na may direktiba si PNP Chief, PGen. Jose Melencio Nartatez Jr. sa mga idedeploy na pulis na manatiling disiplinado, impartial, at service-oriented.
“The adjustment of our alert status reflects our continuing assessment of the situation while ensuring that appropriate security measures remain in place where they are needed most. Our commitment is to remain responsive, respectful of people’s rights, and focused on public safety,” ani Nartatez.
- Latest
