Nganong nahadlok man kamo pag-ayo?

Basaha: Mt. 8;23-27

Kun atong tan-awon ang mga tinun-an ni Jesus kasagaran mga season fishermen.

Sa ato pa, suheto kaayo sila sa dagat sanglit mao man kini ang ilang panginabuhian. Daghan na tingali silang mga subasko nga nasinati.

Apan kining Subasko nga ilang nasinati sa ebanghelyo tingali lisud gyud ug makalilisang kaayo.

Mao nga nagpakitabang sila kang Kristo Jesus nga nangutana kanila og “Nganong nahadlok man kamo?” Iya pa gyud ning gidugangan og pagkadiyotay sa inyong pagtuo!

Human niadto nibanos ang kalinaw.

Butang nga nakapatingala kanila.

Kining maong kasinatian sa mga tinun-an ang nipahinumdom kanato nga:

1. Kinahanglang mosud-ong kita kang Jesus kay mas labaw pa siya kay sa bisan unsang subasko o unos.

2. Ang tanang unos o subasko molabay lamang.

Dili angay mahadlok kun unsa man ang mahitabo.

Kini tungod kay sa Dios lamang ang tinud-anay nga seguridad sa atong kinabuhi.

Ang mga suliran ug mga pagsulay dili angay nga kabalak-an.

Bug-at man tuod kini apan kun anaa ang Dios ang tanan mamahimong gaan ug sayon lamang.