7,460 ka seedlings ang natanum sa Central Visayas

CEBU, Philippines — Mokabat sa 7,460 ka seedlings ang natanom sa kinatibuk-ang 5.72 ektarya lukop Central Visayas atol sa pag-obserbar sa rehiyon sa Philippine Arbor Day niadtong Hunyo 25, sa hiniusang paningkamot sa pagsuporta sa forest restoration ug climate resilience.

Gipahigayon ubos sa temang “Green, Clean and Climate-Ready Communities,” ang inisyatiba nagtigom og 1,139 ka partisipante gikan sa mga ahensya sa gobyerno, local government units (LGUs), komunidad, partner nga organisasyon, ug pribadong sektor.

Dungan nga gipahigayon ang mga tree planting activities sa Barangay Lusaran, Cebu City; Barangay Kangaibe, Bantayan Island; Barangay Punta Cruz, Maribojoc, Bohol; Barangay Puerto San Pedro, Bien Unido, Bohol; ug Barangay Nug-as, Alcoy, Cebu.

Ang mga partisipante nagtanom og kombinasyon sa native ug fruit-bearing tree species nga gitumong sa pagsuporta sa pagpanalipod sa watershed, biodiversity conservation, ug long-term ecosystem restoration.

Si Department of Environment and Natural Resources Regional Executive Director Laudemir S. Salac miingon nga ang Philippine Arbor Day nagsilbi nga labaw pa sa usa ka seremonyal nga kalihokan ug nagpakita sa usa ka kolektibong responsibilidad sa pagpanalipod sa kinaiyahan.

Ang DENR magpadayon sa paghatag og teknikal nga tabang, kalidad nga mga materyales sa pagtanum, ug padayon nga kolaborasyon sa mga LGU aron matabangan ang pagpalapad sa green spaces, pagpanalipod sa mga watershed, ug pagtukod sa mga komunidad nga climate-resilient. — /MEL (BANAT NEWS)