Ex-kagawad pinabulagta sa harap ng bahay

MANILA, Philippines — Mismong sa harap ng kanyang bahay pinagbabaril ng isang guman ang isang dating barangay kagawad, naganap kahapon ng umaga sa Barangay Culis, Hermosa, Bataan.

Ang biktima na namatay noon din ay nakilalang si Norman Dalit. Habang ang suspek ay agad na tumakas nang masigurong napatay ito. Batay sa paunang impormasyon, sakay umano ng isang van ang suspek nang dumating sa lugar.

Nag-abang ito sa pagdating ng biktima at nang makita na ito ay lumabas ng bahay ay nilapitan ito at pinagbabaril na agad na nasawi.

Patuloy ang imbestigasyon ng pulisya upang matukoy ang motibo sa pagpatay, makilala ang suspek, at motibo ng pagpatay.