Police Major tiklo ng kabaro sa extortion

MANILA, Philippines — Nahaharap sa patung-patong na kasong kriminal at administratibo ang isang pulis na may ranggong major matapos maaresto ng kanyang mga kabaro sa isang entrapment operation laban sa kanya sa loob mismo ng regional headquarters ng Police Regional Office 5 sa Camp Gen. Simeon Ola sa lungsod na ito kahapon ng umaga.

Hindi na pinangalanan ang police major, 40-anyos, residente ng San Fernando City, La Union, na umano’y nakatalaga sa Regional Medical Unit 5 sa loob ng Camp Gen. Simeon Ola sa Brgy. 1-EM’s Barrio, Legazpi City.

Sa ulat, nakatanggap ng intelligence reports hinggil sa umano’y extortion activity ng suspek na humihingi ng P38,000 kapalit ng pagpasa sa medical phase ng mga PNP recruit sa isinasagawang recruitment process sa loob ng kampo.

Isinailalim ito sa mai­ngat na surveillance opera­tion at pagpaplano bago ­isagawa ang paghuli.

Dakong 10:45 ng ­umaga, ikinasa ng RID Tracker Team ang entrapment operation laban kay Major.

Agad siyang inaresto matapos tanggapin ang marked money mula sa mga operatibang nagsilbing poseur-buyer.