P1 milyong shabu, nasabat sa Batangas Port
BATANGAS CITY, Philippines — Nasabat ng mga awtoridad ang tinatayang 150 gramo ng hinihinalang shabu na aabot sa mahigit 1 milyong piso sa isang interdiction operation sa Passenger Terminal ng Batangas Port sa Barangay Sta. Clara, kamakalawa ng hapon.
Kinilala ang naarestong suspek na si alyas “Briant,” 39-anyos, residente sa Roxas, Oriental Mindoro.
Base sa ulat, papasakay na sana ang suspek sa isang barko patungong Calapan City nang harangin ng mga operatiba bandang alas-2:20 ng hapon.
Maliban sa ilegal na droga, nakumpiska rin sa suspek ang isang cellphone at isang driver’s license.
Kakaharapin ng suspek ang mga kasong paglabag sa Section 5 (Transportation of Dangerous Drugs) at Section 11 (Possession of Dangerous Drugs) sa ilalim ng Republic Act No. 9165 o ang Comprehensive Dangerous Drugs Act of 2002.
- Latest
