PANOORIN: Daan-daang raliyista, nagmartsa sa Araw ng Kalayaan

MANILA, Philippines — Daan-daang raliyista ang nagmartsa malapit sa embahada ng Estados Unidos sa Maynila nitong Biyernes, Hunyo12, kasabay ng paggunita ng bansa sa ika-128 Araw ng Kalayaan.

Kinondena ng mga nagpoprotesta ang patuloy na presensya ng militar ng Estados Unidos sa Pilipinas at tinuligsa rin ang umiiral na sigalot na kinasasangkutan ng Estados Unidos, Israel, at Iran.

Bitbit ng iba't ibang progresibong grupo ang mga plakard na nagpahayag ng pagtutol sa impluwensya ng dayuhang militar sa bansa.

Ayon sa isa sa mga dumalo na si Raymond Palatino, ramdam na rin ng mga Pilipino ang epekto ng krisis sa Iran sa pamamagitan ng pagtaas ng presyo ng langis at posibleng pag-apekto nito sa mga overseas Filipino worker sa rehiyon.

Iginiit ng mga raliyista na ang tunay na kalayaan ay nangangahulugan din ng kakayahan ng bansa na magtakda ng sariling direksyon nang malaya mula sa impluwensya ng mga dayuhang kapangyarihan.

Mahigpit namang binantayan ng mga awtoridad ang kilos-protesta sa kahabaan ng Roxas Boulevard malapit sa US Embassy.