Opisyal ng LGU sa BARMM todas sa ambush!

COTABATO CITY, Philippines — Isang Moro datu na ranking official ng muni­cipal mayor’s office sa Tugunan sa Bangsa­moro Special Geogra­phic­ Area sa probinsya ng Cotabato ang napatay sa ambush sa tapat mismo ng kanilang tang­gapan sa naturang bayan nitong Miyerkules ng umaga. Sa inisyal na ulat ni Capt. Steffie Sa­languit, spokesperson­ ng Police Regional Of­fice-Bangsamoro Auto­nomous Region, at ng 602nd Infantry Brigade ng Philippine Army, na­isugod pa ng mga emergency responders sa isang ospital ang biktima na kinilalang si Datu Toto Mangansakan Dodog, ngunit pumanaw din ka­launan sanhi ng mga maselang tama ng bala sa katawan.

Ayon sa mga local exe­cutives at mga kapwa mga Moro datu, sakay si Dodog, residente ng Barangay Manaulanen, Tugunan, ng kanyang puting pick-up truck na ipaparada na sana sa tapat ng kanilang muni­cipal government center building nang harangin ng mga salarin at agad na pinagbabaril.

Mabilis na nakatakas ang mga bumaril kay Dodog, ayon sa mga barangay officials at mga imbestigador mula sa Tugunan Municipal Police Station na nag-responde sa insidente.