38 na ang patay sa magnitude 7.8 lindol
MANILA, Philippines — Inihayag kahapon ni National Disaster Risk Reduction and Management Council (NDRRMC) na pumelo na sa 38 katao ang naitalang namatay habang 478 ang nasugatan at apat pa ang nawawala sa pagyanig ng 7.8 magnituge ng lindol sa baybayin ng lalawigan ng Sarangani.
Kabilang sa mga nasawi ay 4 sa Davao Region at 23 ang sugatan habang sa SOCCSKARGEN (South Cotabato, Cotabato City, Sultan Kudarat at General Santos City ) ay 33 ang namatay, 456 ang sugatan, at apat naman ang nawawala.
Nasa 19,000 pamilya naman ang naapektuhan ng malakas na lindol kung saan nasa 5,000 mga pamilya ang nasa mga evacuation centers.
Ayon kay Diego Agustin Mariano, Spokesman ng Office of Civil Defense (OCD), pinakamatinding naapektuhan ng 7.8 magnitude ng lindol ay ang General Santos City na tumama nitong Lunes sa Celebes Sea, alas-7:37 ng umaga.
Nakapagtala naman ng 1,055 aftershock sa magnitudes mula 1.3-6.7.
Patuloy ang search and rescue operations at ang pamamahagi ng relief assistance sa mga residenteng naapektuhan ng lindol.
- Latest
