Lahi ang spelling sa iyang gigamit nga pangan

Dear Atty.Divine,

Ang spelling sa akong first name sa akong birth certificate ug sa akong gigamit karon managlahi. Ang akong gigamit nga pangan sa tanan nakong dokumento hasta sa akong school records Debora, apan ang spelling sa akong birth certificate Deborah. Unsay akong buhaton aron pagkurihir sa akong pangan aron magpareha ang spelling? Daghan salamat Attorney og more power!  — Debbie

Dear Debbie,

Aduna kay duha ka option aron magkatakdo ang imong records sa imong first name. Ang una nimong option mao ang pagsunod sa spelling sa imong pangan sa imong birth certificate. Busa imong pakurihian ang imong school records og ang tanan nimong records sa SSS, PhilHealth or Pagibig og imong ipasunod kon unsay spelling sa imong first name sa imong birth certificate. Ang ikaduha nimong option, ang imong birth certificate mismo ang imong pakurihian ang first name pinaagi sa pag-file og petition may labot niini ngadto sa Local Civil Registrar diin ka marehistro.  Dunay list of requirements ang Civil Registrar nga ilakip nimo sa pagsumiti inig file sa petition. Apan mas maayo nga mobisita ka daan sa Local Civil Registrar og mangutana ka sa proseso before nimo sugdan ang pag gather sa mga dokumento nga imong i-submit kanila. Thank you and God Bless. — Atty. Divine

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.