Obligado ba ang kapikas nga mobayad sa utang?

Dear Atty. Divine,

Ang akong bana adunay dako nga utang tungod sa sugal. Kay wa man niya mabayri ang maong utang, misamot kini karon sa pagdako ang amount tungod sa taas kaayo nga interest. Naningil na karon ang iyang giutangan ug sa ilang demand letter, giapil man ang akong pangan. Ang akong pangutana kun mapugos ba ko nila sa pag-apil sa pagbayad sa maong utang nga wa man kini pagtugot kanako ang iyang pagpangutang ug wa sab gani ko katilaw anang iyang giutang kay napildi ra man na sa sugal? Daghang salamat. —Lorena

Dear Lorena,

Kun dili makabayad ang imong bana sa iyang utang, ikaw isip kapikas, dili ka mapugos sa pagbayad niini ilabi na kun wa ka masayud sa maong utang ug kun ang maong kwarta nga iyang giutang wa niya gamita alang sa inyong pamilya. Apan kun ang maong utang gigamit pa sa inyong mga galastohan sa inyong pamilya then ma-obligar gyud ka sa pagbayad niini kay ang maong salapi gigasto man alang sa imong pamilya.  Apan sa kaso sa imong bana, wa man na niya gastoha sa pamilya ang iyang utang kondili iya rang gipildi sa sugal then dili ka obligado nga mobayad niini, og ang imong bana mao ray dapat mobayad og dili ka dapat nila iapil-apil sa maong utang. Thank you and God Bless! — Atty. Divine

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.