Globe pinapahusay ang loan services para sa Prepaid at TM users

Mas flexible na pagbabayad at mas madaling access sa load at promos, tumutulong sa mga Pilipino na manatiling konektado sa mahahalagang sandali

MANILA, Philippines — Patuloy na ginagawang mas abot-kamay ng Globe ang koneksyon para sa mga Pilipino sa pamamagitan ng pagpapahusay ng kanilang load at promo loan services para sa Globe Prepaid at TM customers, na nagbibigay sa mga user ng maaasahang paraan upang manatiling online, tumawag o mag-text kahit maubusan ng load.

Para sa maraming Pilipino, ang mobile phone ay nagsisilbing lifeline para sa trabaho, pag-aaral, komunikasyon sa pamilya at mga emergency. Ngunit ang pagkaubos ng load sa mga kritikal na sandali—lalo na sa gitna ng pandaigdigang krisis sa enerhiya—ay nananatiling isang malaking hamon.

Sa pamamagitan ng Promo at Load Loan para sa Globe Prepaid at Utang Load/Promo para sa TM, binibigyan ng Globe ang mga customer ng kakayahang makahiram ng load o promos agad at magbayad sa susunod, na tumutulong sa kanila na manatiling konektado kapag ito ang pinaka-kailangan.

Ang mga serbisyong ito ay nagbibigay ng agarang access sa tawag, text, at data offers kahit zero balance, inaalis ang hadlang sa komunikasyon sa mga agarang o pang-araw-araw na sitwasyon. Mula sa mga emergency hanggang sa pang-araw-araw na koneksyon, idinisenyo ang loan services ng Globe upang suportahan ang iba’t ibang pangangailangan ng kanilang mga customer.

Sa pinakapuso nito ay ang bite-sized emergency offers, na available sa lahat ng subscribers at nagbibigay ng instant access sa maliliit na halaga ng data, tawag o text—perpekto para sa mga sitwasyong kagyat tulad ng pakikipag-ugnayan sa mahal sa buhay, pagpapadala ng mensahe o mabilis na pag-online kapag naubusan ng load.

Kasabay nito, ang mga kwalipikadong customer ay maaari ring makakuha ng mas mataas na halaga ng loan offers, kabilang ang load loans at mga popular na promo gaya ng Go59 at EZ50. Nagbibigay ang mga ito ng mas maraming data, tawag, at mas mahabang validity, na tumutulong sa mga customer na manatiling konektado hindi lang sa oras ng emergency kundi pati sa kanilang pang-araw-araw na digital na pangangailangan.

Simple, seamless at flexible na pagbabayad

Ang pagbabayad ay idinisenyong maging simple at seamless, kung saan ang halaga ng loan ay awtomatikong ibinabawas sa susunod na pag-load ng user. Upang mas tumugma sa kasalukuyang paggamit ng mobile ng mga customer, pinahusay ng Globe ang repayment sa pamamagitan ng pagpapahintulot ng koleksyon sa pamamagitan ng promo purchases.

Bahagi ng open-access data mula sa promo top-up ng customer ay awtomatikong inilalagay para sa pagbabayad ng kanilang existing loan, na tumutulong upang unti-unti itong mabayaran at mas mabilis na maibalik ang access sa serbisyo.

Kinokolekta ng Globe ang hanggang 50% ng open-access data mula sa biniling promo, habang tinitiyak na may natitira pa ring hindi bababa sa kalahati ng data para sa sariling paggamit ng customer. Kung hindi sapat ang nakalaang data upang mabayaran nang buo ang loan, maglalapat ng partial payment batay sa data-to-peso conversion, at ang natitirang balanse ay kokolektahin sa susunod na transaksyon.

Ang pagpapahusay na ito ay ginagawang mas flexible ang pagbabayad at mas nakaayon sa nagbabagong asal ng mga customer, lalo na’t mas marami na ang direktang bumibili ng promos kaysa sa regular na load.

“This is about understanding the real, everyday moments our customers go through,” ani ni Eric Tanbauco, Vice President and Head ng Globe Consumer Mobile Business. “Whether it’s an emergency, work, or staying connected to family, we want our customers to have the confidence that they can keep going. By making access to load and promos more flexible, we’re helping remove the friction that can interrupt those important moments.”

Sa pamamagitan ng loan offers na maaaring ma-access sa GlobeOne app, Facebook, *143#, at SMS, madaling makukuha ng Globe Prepaid at TM users ang koneksyong kailangan nila anumang oras at saan man, nang hindi kinakailangang agad mag-load.

Pinatitibay ng inisyatibong ito ang mas malawak na layunin ng Globe na maghatid ng maaasahan at laging available na koneksyon, na nakaayon sa kanilang pangakong tulungan ang mga Pilipino na magpatuloy sa isang mabilis na nagbabagong mundo.

Patuloy na sumusuporta ang Globe sa kanilang mga customer hindi lamang sa pamamagitan ng mga produkto kundi sa mga solusyong nakabatay sa tunay na karanasan sa buhay, na tinitiyak na kahit sa maliliit ngunit kritikal na sandali, walang maiiwan.

Para sa karagdagang impormasyon, bisitahin ang https://www.globe.com.ph/go-forward-together.

Editor’s Note: Ang press release na ito para sa Globe ay hindi saklaw ng editorial guidelines ng Philstar. com.