Insignia wings iginawad ng PAAR kay Romero

MANILA, Philippines — Iginawad ng Philippine Army Aviation Regiment (PAAR) ang insignia wings kay Air Force reservist Colonel Michael Odylon L. Romero kung saan ang dating Deputy Speaker ang naging unang awardee sa labas ng Army unit.

Ang pagkakaloob ng insignia wings ay pormal na inaprubahan ni Lt. Gen. Antonio Nafarrete, ang Commanding General ng Philippine Army, at ibinigay ni Col. Richard Servito, ang commander ng PAAR.

Si Romero ay Civil Aviation Authority Philippines-rated helicopter pilot at isa ring sportsman.

Nauna nang inaprubahan ni President Ferdinand R. Marcos Jr. ang official insignia wings ng PAAR regiment na simbolo ng kahusayan at pagkakakilanlan sa mga Army aviators.

Ang disenyo ng insignia ay inaprubahan din ng National Historical Commission of the Philippines na tumiyak sa historical at cultural significance nito.

Nakamit ni Romero ang nasabing karangalan dahil sa kanyang kontribusyon bilang isang dating legislator at sumusuporta sa modernization program ng Armed Forces of the Philippines — partiular na ang pagbili sa C-130 Hercules aircraft. 

Ito ang nagpabuti sa strategic airlift, disaster response at humanitarian operations, lalo na sa mga probinsya

Sa kanyang panahon bilang majority owner ng AirAsia Philippines mula noong 2010 hanggang 2023 ay mahalagang papel din ang ginampanan ni Romero sa COVID-19 pandemic (2020–2022) kung saan siya nagbigay ng free aircraft sa AFP para sa pagbiyahe ng mga AFP troops, vaccines, test kits at medicines sa bong bansa.

Dahil sa iginawad sa kanyang karangalan ay bahagi na si Romero ng Army history, kinilala hindi lamang dahil sa kanyang pamumuno at serbisyo kundi pati sa pagiging tulay sa civilian aviation at nationa; defense na mag-iiwan ng legacy para sa future generations ng mga Filipino aviators at reservists.