Acorda bagong PAOCC chief
MANILA, Philippines — Itinalaga ni Pangulong Ferdinand Marcos Jr. si dating Philippine National Police (PNP) Chief Benjamin Acorda Jr. bilang executive director ng Presidential Anti-Organized Crime Commission (PAOCC).
Sa anunsiyo ng Presidential Communications Office (PCO), papalitan ni Acorda si PAOCC Executive Director Undersecretary Gilbert Cruz.
Matatandaan na si Acorda ay itinalaga ni Marcos bilang PNP Chief simula Abril 2023 hanggang Marso 2024.
Miyembro ng Philippine Military Academy Sambisig Class of 1991 si Acorda at nagsilbi rin bilang PNP Directorate for Intelligence bago maitalagang PNP Chief.
Habang si Cruz naman ay dating Philippine National Police Academy (PNPA) chief ay itinalaga sa PAOCC Undersecretary noong Enero 2023.
Sa ilalim ng Executive Order no. 295 noong 2000, ang PAOCC ay naatasan para siguruhin na epektibo at mabisa ang anti-crime drive para mahuli at makasuhan ang criminal groups at kanilang protektor sa gobyerno sa pamamagitan ng intelligence at counter intelligence efforts.
- Latest
