Gomez bagong PCO chief; Garin, DOE sec.
MANILA, Philippines — Inanunsiyo ni Palace Press Officer Atty. Claire Castro na itinalaga ni Pangulong Marcos si Dave Gomez bilang bagong Presidential Communications Office (PCO) Secretary.
Kasabay nito itinalaga rin ng Pangulo si Atty. Sharon Garin, na isa rin Certified Public Accountant bilang bagong kalihim ng Department of Energy (DOE).
“We are pleased to announce that President Ferdinand R. Marcos Jr. has appointed Mr. Dave Gomez as Secretary of the Presidential Communications Office , and Attorney Sharon Garin as secretary of the Department of Energy,” ayon pa kay Castro.
Si Gomez ay may malawak na karanasan sa pamamahayag, sa gobyerno at sa corporate communications, naging senior reporter, naging Director General ng Philippine Information Agency at communications director ng isang pribadong kumpanya.
Habang si Garin naman na isa rin dating kongresista ay may malawak na kaalaman sa mga polisiya at enerhiya.
Samantala, itinalaga naman si Ruiz na magiging miyembro ng board of directors ng Manila Economic and Cultural Office (MECO).
- Latest
