Gretchen ‘bumoto’ na iligpit missing sabungeros - Totoy
MANILA, Philippines — Isa ang dating aktres na si Gretchen Barretto sa mga miyembro ng Alpha Group na ‘bumoto’ umano upang iligpit ang mga missing sabungero.
Ito ang bagong pagbubunyag ni Julie Patidongan alyas “Totoy” kaugnay ng pagdukot at pagpatay sa mga sabungero.
Ani Patidongan, nagsagawa ng meeting ang Alpha Group na pinamumunuan ni Ang hinggil sa gagawing ‘pagwalis’ sa mga sabungero.
Isa umano si Barretto sa mga nagtaas ng kanyang kamay na indikasyon na pabor ito sa desisyon ni Ang.
Ang mga dinukot at napatay na mga sabungero ay sangkot daw sa pangti-tiyope.
Ayon kay Patidongan, bahagi raw ito ng isang “cleansing” operation laban sa mga sabungero na umano’y nagsusumbong o nagbebenta ng impormasyon sa mga kalaban ni Ang sa sabungan.
Mariin namang itinanggi ng kampo ni Barretto ang kanyang partisipasyon sa kaso.
May ilang indibiduwal lamang umano na nais siyang kotongan.
Ayon sa legal cousel ni Barretto na si Atty. Alma Malonga, pawang imbento ang mga ibinibintang kay Barretto.
Samantala, sinabi ni Justice Secretary Crispin Remulla na hawak na nila ang ebidensiya na magdidiin umano kay Ang.
Ayon kay Remulla, ilan dito ang CCTV at USB stick o flash drive na matagal na umanong hawak ni Patidongan.
Batay aniya sa testimonya ni Patidongan, isang police colonel ang unang may hawak ng USB stick kung saan inutusan siyang sirain nang sumingaw na ang isyu.
Maging ang cellphone aniya ni Patidongan ay pinasunog umano ni Ang upang mawala ang mga ebidensiya at ibinili siya ng bago kung saan mamo-monitor siya nito.
- Latest
