Safe conduct pass sa mga rebelde aprub kay Pangulong Marcos

MANILA, Philippines — Pinayagan na ni Pa­ngulong Ferdinang Marcos Jr. ang National Amnesty Commission (NAC) para magbigay ng safe conduct pass sa mga rebeldeng nais magbalik loob sa gobyerno.

Sa Memorandum ­Order 36 na nilagdaan ng Pangulo, nakapaloob dito ang permiso sa kahilingan ng NAC para malayang makagalaw ang mga rebelde ng walang aaresto sa kanilang pag-a-apply ng amnestiya.

Nilinaw naman ng memo na ang safe conduct pass ay hindi gagamitin para palabasin sa detensyon ang rebeldeng mayroong warrant of ­arrest o kaya ay magdala ng baril.

May bisa lamang ang safe conduct pass ng 15 araw simula sa ­mismong araw na maisyu ito sa isang rebeldeng nais magbalik loob sa gob­yerno.