Pinoy voters negatibo pananaw sa Philippine politics
MANILA, Philippines — Negatibo umano ang pananaw ng maraming Pinoy sa politika sa Pilipinas, batay sa resulta ng February 2025 “Pulso ng Bayan” Survey ng Pulse Asia.
Nasa 37.9 percent ng respondents na lumahok sa survey ang nagsabi na magulo ang Philippire politics. Nasa 17.3% ang nag-ugnay sa politika sa korapsiyon o nagsabing “pera-pera lang.”
Nasa 10.9% ang tumukoy sa divisive nature ng politika at ikinonekta ito sa mga terminong ‘awayan,’ ‘watak-watak,’ o ‘walang pagkakaisa.’
May 5.8% ang nagsabi na may dayaan sa politika gaya ng vote buying. Tanging 4.2% ang naglarawan sa Philippine politics na ‘maayos.’
Sa survey ng Pulse Asia mula Pebrero 20-26, maraming respondents ang tumugon ng ‘generally negative in nature’ gaya ng “marumi”, 3.2%; “eksklusibo/ dinastiya/ elitista”, 2.6%; at “paasa/pangakuan”, 2.6%.; “makasarili/ personal na interes ang nangingibabaw”, 1.7%; “agawan sa pwesto”, 1.4%; “mahina ang pamahalaan”, 1.4%; “kriminalidad nanumbalik”, 1.3%; “abusado/inaabuso ang posisyon/ gahaman sa posisyon”, 1.2%; “patayan”, 1.1% at “mahirap kalagayan/ pamumuhay”, 1%.
- Latest
