Tolentino pumalag sa fake news
MANILA, Philippines — Hiningi ni reelectionist Senator Francis ‘TOL’ Tolentino sa ABS-CBN News na magpaliwanag at mag-apology sa maling paggamit ng mga larawan niya at ng kanyang mga tauhan sa ulat na krimen na ipinalabas sa TV Patrol kamakalawa ng gabi.
“I strongly condemn the use of photos showing me and my staff members, who were even wearing my campaign shirt, for a TV Patrol report on a shooting that wounded three people in Barangay Labangal, General Santos City,” ayon sa senador.
Hiniling din ni Tolentino sa ABS-CBN na tanggalin ang balitang nai-post sa website nito, YouTube, at Facebook platforms.
Sinabi ni Tolentino na ang mga larawang ipinakita noong Sunday edition (Marso 2) ng TV Patrol ay talagang mula sa paliparan ng General Santos noong nakaraang linggo - nang bumisita ang senador sa lungsod bilang isa sa mga panauhin sa Kalilangan Festival noong Pebrero 27.
“As soon as the error was flagged on March 2, Sunday night, ABS-CBN immediately rectified the error by taking down the report from all its digital properties, including YouTube, Facebook, and Tiktok.”
“ABS-CBN Integrated News apologizes for the unintentional error. The news management is looking into this matter and reviewing editorial processes to avoid similar mistakes,” sabi ng network sa isang pahayag nito.
- Latest
