Pangulong Marcos‘di magpapatawag ng special session sa impeachment

MANILA, Philippines — Nanindigan ang Malakanyang na hindi magpapatawag si Pangulong Ferdinand Marcos Jr. ng special session sa Kongreso para sa impeachment trial ni Vice-President Sara Duterte.

Ayon kay Presidential Communications Office Undersecretary at Palace Press Officer Claire Castro, mas makabubuti kung hihilingin ng Senado sa Pangulo na magpatawag ng special session.

“The way we see it, it would be an awkward position on the part of the President to voluntarily call for special session considering that there is this ongoing intrigue that the President is behind the impeachment proceedings. So, it is better for the senate to request the President considering that even the President made this pronouncement that if the senate will ask him to call for a special session, he will do so,” pahayag ni Castro.

Bagamat nasa Konstitusyon naman aniya na ang Presidente ay maaaring magpatawag ng special session anumang oras, may gray area naman aniya dito tungkol sa impeachment proceedings sa pagsasabing maaaring magpatuloy ang impeachment proceedings kahit naka-recess ang kongreso.

“If you will look and read the provisions of the Constitution, you will see po, ‘to forthwith proceed’ pero wala pong makikitang  time element. Is it to forthwith proceed even during recess? Because they can proceed definitely, if there is session. There’s no question about that. But to proceed during recess, may gray area po iyan sa Constitution,” ayon pa kay Castro.

Dahil dito kaya hindi lang aniya limitado sa kung may urgency tungkol sa bills o legislation kundi maging sa impeachment trials.

Ang Bise Presidente ay nahaharap sa impeachment complaint dahil sa kwestyunableng paggastos sa pondo ng bayan at sa bantang ipapapatay sina Pangulong Marcos, First Lady Liza Marcos at House Speaker Martin Romualdez.