Driver pisak sa 12-wheeler truck

MANILA, Philippines — Nalasog ang isang driver matapos madaganan ng minamanehong 12-wheeler truck habang dalawang kasamahan ang sugatan sa National Road, Purok 5, Barangay Tanauan, Real, Quezon, kamakalawa.

Agad nasawi ang biktima na si Roberto Domingo, 55, may-asawa ng Rodriguez, Rizal habang bahagyang nasugtan ang co-driver na si alyas “Jose”, 46, at pahinanteng si “Elly “, 27, binata.

Alas-12:45 ng hapon, habang minamaneho ni Domingo ang 12-wheeler dump truck na kargado ng buhangin at graba nang nawalan ito ng preno. Dito nataranta ang pahinante at co-driver ng biktima kung kaya’t tumalon sila mula sa trak sanhi ng kanilang pagkakasugat. Hinabol ng dalawa ang trak na nagpatuloy sa pag-andar patungo sa kurbadang bahagi ng kalye habang nagtangka ring tumalon ang biktima subalit tumikwas na ang trak at tuluyan na siyang nadaganan.