90 percent Pinoy sasalubungin 2025 nang may pag-asa – SWS

MANILA, Philippines — Nasa 90 percent ng mga Pinoy ang sasalubungin ang taong 2025 ng may pag-asa.

Sa Social weather Station (SWS) survey na ginawa noong December 12-18, 2024, tinanong ang mga Pinoy adult ng “Ang darating na taon ba ay inyong sasalabungin nang may pag-asa o may pangamba?”

Tumaas naman sa 10 percent ng mga Pinoy ang nangangamba sa kahihinatnan ng kanilang buhay ngayong taong 2025.

Mas mataas ito ng 3 percent o sa 7 percent ng mga Pinoy na nagsabi noong nakaraang taon na sila ay nangangamba para sa taong 2024.

Ikinatwiran ng mga Pinoy na mas mahalagang unahin ang mga nararamdaman tulad ng mga pangamba ­kaysa sa mga kasiyahan.