House nakahandang tulungan mga distrito – Romualdez

MANILA, Philippines — Nakahandang maglabas muli ng pondo ang House of Representatives para sa mga lugar o distrito na nasasakupan ng mga miyembro nito na tinamaan ng Bagyong Pepito.

Ayon kay House Speaker Martin Romuadez, “Inaantay lang namin ang report ng aming mga miyembro at kung magkano ang pinsala sa kani-kanilang mga lugar para makapagpalabas ng pondo para sa mga biktima ng dumaang bagyo.”

“Of course yung pondo na ibibigay natin ay para doon sa pagkukumpuni ng mga nasirang bahay at siyempre yung para sa pangkain ng mga pamilya dahil maaring nawalan sila ng hanapbuhay dahil sa bagyo,” paliwanag ni Romualdez.

Inaasahan na ngayong araw ng Lunes ay magsusumite na ang mga miyembro ng Kongreso na ang mga lugar ay dinaanMartin Romuadez

Aniya, “We always anticipate na after every calamity may mga nangangailangan talaga ng tulong kaya nakahanda naman tayo para sa mga ganitong sitwasyon.”

Ayon sa mga naunang balita, lubos na apektado ang Bicol region kung saan pumasok ang Bagyong Pepito noong weekend at nagdulot ng pinsala na naman doon.