Mga abogado ni Rama nakadawat og tubag gikan sa DILG

CEBU, Philippines — Mga abogado ni dismissed mayor Michael Rama nakadawat og tubag sa gipadala nilang sulat ngadto sa Department of Interior and Local Government kalabot sa pagpatuman sa maong buhatan sa kamandoan sa Office of the Ombudsman sa pag- dismiss sa mayor.

Ang Rama Baena Tan and Ang Law Office maoy nakadawat sa tubag sa gipadala nila nga suwat nga gikan ni DILG Undersecretary for External, Legal, and Legislative Affairs Juan Victor Llamas.

Matud ni Llamas sa iyang suwat nga ang ilang departamento dili privy sa pag-implementar sa maong desisyon.

Ang mga abogado ni Rama nangayo og katin-awan ug kamatuoran sa pag implementar sa DILG-Cebu City sa maong decision sa Office of the Ombudsman ug uban pa.

Si Llamas nagkanayon nga ang ilang buhatan maoy naglambigit sa implementasyon sa maong Ombudsman order ilang nakita nga kinahanglang maklaro ang role sa DILG sa pag-implementar sa decisions/orders nga luwatan sa Office of the Ombudsman.

Gitug-an ni Llamas sa iyang tubag nga authority sa department nila sa pag-implementar sa desisyon sa Ombudsman kong aduna sila’y direkta nga kamandoan sa pag -implementar base sa pursuant to section 7 rule III of Ombudsman Rules and Procedure in relation to Memorandum Circular No.1 series of 2006 nga adunay petsa nga Abri 11,l 2006.

Ang mga aboagado ni Rama nipadala usab sa tubag sa DILG ngadto sa Sangguniang Panlungsod ug nipadayag nga ilegal ang oath taking ni Mayor Raymond Alvin Garcia niadtong Septiyembre 9, 2024.  BDB BANAT NEWS