76 porsyento ng Pinoy suportado cellphone ban sa iskul
MANILA, Philippines — Halos 8 sa 10 Pilipino ang sumasang-ayon sa pagbabawal sa paggamit ng cellphone sa mga paaralan.
Batay sa Pulse Asia survey na kinomisyon ni Sen. Win Gatchalian na isinagawa noong Hunyo 17-24, 2024, 76% ng 1,200 adult respondents sa bansa ang pabor sa cellphone ban sa mga paaralan.
Habang 13% ang hindi sang-ayon, 11% ang hindi nila matukoy kung sumasang-ayon sila o hindi.
Pinakamalakas ang suporta sa Class ABC (80%), kasunod ng Class D (76%), at Class E (71%).
Habang sa National Capital Region (80%), Balance Luzon (79%), Mindanao (81%) at Visayas (61%) ang pabor dito.
Batay sa pagsusuring ginawa ng Senate Committee on Basic Education sa 2022 Programme for International Student Assessment (PISA), 8 sa 10 mag-aaral na may edad 15 ang iniulat na naabala sila sa klase dahil sa paggamit nila ng smartphones, at 8 rin sa 10 ang nag-ulat na naabala sila sa paggamit ng ibang mga mag-aaral ng kanilang mga smartphone.
Noong nakaraang Hunyo, inihain ni Gatchalian ang Electronic Gadget-Free Schools Act (Senate Bill 2706) na layong ipagbawal ang paggamit ng mga mobile devices at electronic gadgets mula Kindergarten hanggang senior high school sa loob ng mga paaralan habang may klase.
- Latest
