Vice President Sara ‘di pa lusot sa confidential funds
MANILA, Philippines — “Not yet off the hook!”
Ito ang mariing pahayag ni House Deputy Minority Leader at ACT Teachers Partylist Rep. France Castro na binira si Vice President Sara Duterte matapos ipangalandakan ng huli na hindi na umano hihirit pa ng confidential funds sa 2025 national budget ng pamahalaan.
Ayon kay Castro, natatakot umano si VP Duterte na mabawian ng confidential funds dahil hanggang ngayon ay bigo pa rin itong magpaliwanag kung saan nito dinala o ginamit ang P125 milyong confidential funds na ginasta nito sa loob ng 11 araw noong 2022. Bukod pa rito ang paggasta nito ng confidential funds sa taong 2023.
“This is an empty gesture that fails to address lingering issues of accountability. Why should she request for confidential funds when her office is not mandated to have such funds?,” ayon kay Castro.
Ang pahayag umano ni VP Sara na hindi ito hihirit muli ng confidential funds para sa taong 2025 ay hindi rin anya nag-aabsuwelto rito sa kaniyang pananagutan sa mga nakalipas na confidential funds.
“Kaya huwag niyang ipagmalaki na hindi sya nag-request ng confidential funds sa susunod na budget, she is not off the hook yet,” giit pa ni Castro.
Nanawagan din si Castro na masusing imbestigahan ang paggamit ng confidential funds ng Office of the Vice President at iba pang mga civilan agencies dahilan kailangan ng transparency at accountability sa paggasta ng pondo ng gobyerno.
- Latest
