Bagong CEO ng RAFI Microfinance nangakong patatagin suporta sa Pinoy micro-entrepreneurs

MANILA, Philippines — Inihayag ng Ramon Aboitiz Foundation Inc., (RAFI) Microfinance, Inc. ang pagtalaga ng kanilang bagong CEO, si Tom Kocsis.

Sa kanyang pamumuno, ang RAFI Microfinance bilang isang sosyal na negosyo ay nakahanda­ para sa matibay na pag­lago, na nakatuon sa pagpapabuti ng buhay ng kanilang mga kliyente at pagpapalawak ng financial inclusion.

“Sa kabila ng mga hamon, ang mga Pilipino ay matatag na mga nego­s­yante, na nangangaila­ngan lamang ng access sa merkado at sa pananalapi,” sabi ni Tom.

Dala ni Tom ang malawak na karanasan na gagabay sa kanya sa kanyang bagong tungkulin, kasama ang isang napatunayang rekord ng tagumpay sa pamumuno sa retail banking at SME relationship management sa Estados Unidos at sa industriya ng microfinance sa Africa.

May malawak siyang karanasan sa paglulunsad ng iba’t ibang digital access channels, paglikha at pag-aalok ng mga makabago at inobatibong solusyon sa deposito, at pamumuno sa mga malalaking proyekto sa teknolohiya.